特上寿司零中伏，每位只需六一六
餐厅：植原(铜锣湾)
地址：铜锣湾铜锣湾道29-31号新豪阁地下A号舖

铜锣湾近中央图书馆附近呢间日本餐厅——植原，原来眨吓眼已经开咗10年🎊，嚟自日本茨城、有接近24年做寿司经验嘅植原师傅，呢十年将最拿手嘅日式美食带到食客面前，最特别之处喺呢位日本师傅识得讲广东话，绝对唔会沟通唔到🤣，加上佢坚持以一丝不苟嘅工序做每一菜；接近每日喺日本空运时令海鲜到店；又以两款烟韧充满米香嘅日本北海道米沟制而成寿司饭🍣；再特别以赤醋同白醋调制寿司醋，可以话每个细节都由师傅亲力亲为去做，一啲都唔马虎👍

平日中午过咗嚟食晏，穿过写上「植原Uehara」嘅蓝色布帘同木门，入到呢间细小精致嘅餐厅，店舖有十个位左右，唔想无位就记得提早预订📞。餐厅设有指定lunch Menu同Sake Menu，无A La Carte菜式，不过就有Omakase、寿司套餐、丼饭同散寿司，想试吓植原师傅嘅手势不妨过嚟一试😎

✝️特上寿司 $560
叫咗呢个有12件寿司同1款卷物嘅午市套餐，呢个价钱绝对抵到烂😍，另外包埋咸香木鱼丝沙律🥗；有鸡肉、鲜虾、三文鱼籽嘅茶碗蒸；面豉汤同甜品🍧——我就拣咗自家制浓香紫薯奶冻；中间师傅仲有两件玉子😋

深海池鱼就成日食，不过师傅特别加咗好似软骨咁嘅爽脆鲨鱼骨，即刻好有惊喜🎉，口感层次瞬间提升⬆️；甜虾清干净咗虾肠，简单以青柠提鲜🍋🟩，可以品尝到鲜甜嘅原汁原味🦐；加咗梅酱带有淡淡甜梅香嘅池鱼；爽口得嚟加咗盐同青柠嘅鱿鱼🦑；肉质结实有弹性嘅赤𫚭鱼，中间放咗顺滑有咬口嘅昆布，呢个配搭又几唔错👍；嚟自北海道嘅鯮鱼咬落好软腍，感觉有啲似三文鱼，加埋柚子仲带嚟丝丝清香

再试试用炙烧方式处理过嘅深海池鱼🔥，迫出嘅鱼油配上捞咗酸汁同麻油嘅青葱，令鱼生食落油而不腻；浸过豉油嘅吞拿鱼，用咗近鱼腩附近嘅赤身部位，相对脂肪比例较多，连埋腌渍过萝卜一齐食就清新得多🌱；炙烧过嘅竹荚鱼皮香脆而肉鲜香，加上香辣嘅柚子胡椒食起上嚟更加惹味🌶️；蓝鳍大拖罗相信无咩人会抗拒得到🤤，入口即溶嘅滋味简直令人食过返寻味；最后紧喺有令人期待嘅北海道赤海胆，入口好似奶油咁幼滑而且鲜味浓郁，甘甜到一个点呢🤩

卷物有甘鲷鱼蓉淮山卷同干瓢卷，无谂过一个咁平嘅套餐有咁多寿司，而且份量一啲都唔少，食完都真喺几饱肚🫃，真心值得过嚟一试