首试日本过江龙🥢
喺奥海城行街，见到有日本过江龙-金子半之助🍤主打天妇罗丼，同朋友都未食过，就毫无悬念咁入咗去😛店内木系装修呈日本简洁风格。除咗天妇罗丼，仲有唔同嘅前菜，寿司同稻庭乌冬㗎🍜所以我地都叫咗几款唔同野食share。

半之助沙律🥗除咗基本嘅蔬菜同车厘茄，仲有三只天妇罗虾同海葡萄，成个配搭好fresh，而且沙律酱汁好有日式感觉~
辣味鲑鱼他他拌蛋黄🥚先将蛋黄打散再同鲑鱼他他拌匀，口感滑溜之中带有粒粒口感，亦可以放上紫菜天妇罗一齐食，成件事好爽，辣味系有但唔会太浓！
估唔到呢度有押寿司食🤗海老天押寿司系喺长方形嘅寿司饭上放上配料，呢个嘅配料就系天妇罗海老肉，寿司饭本身亦加咗少少姜片，令整个味道层次都好丰富。
鲑鱼烧御膳+海老迷你天妇罗，御膳有埋前菜同汤🥢三文鱼充满鱼油香，好嫩滑🐟而天妇罗有虾，南瓜，荷兰豆，菇同紫菜，卖相好吸引，又香喷喷🤤闻落去带有少少麻油香，原来呢度嘅天妇罗采用咗日本特制嘅高级胡麻油，所以特别香，而望落去都比坊间嘅天妇罗颜色深少少🍤而且采用传统做法，将新鲜炸起嘅天妇罗放喺饭面，在淋上酱汁，另外一件天妇罗都可以沾到酱汁🫙呢个做法有机会令天妇罗未必系最脆，但却有一种独特嘅传统风味~