以传统法国食谱🇫🇷创造出一系列融入亚洲风味之家庭式法国料理😋
法国菜系我最钟意嘅菜式之一💕💕今晚喺📍沙田新城市试咗间法国餐厅ODELICE✨

由法国人主理，环境充满法式小酒馆嘅感觉🤩主打悠闲Chill 氛围，以传统法国食谱🇫🇷创造出一系列融入亚洲风味之家庭式法国料理😋菜式够哂多元化，加上价钱亲民，超多捧场客💁🏻♀️

晚市二人套餐有齐餐汤、头盘、主食及甜品，真系好抵食🌟

🔹是日餐汤配餐包
今日嘅餐汤系芝士蘑菇汤，入口香浓滑顺，啖啖绵密，散发阵阵蘑菇香🍄🟫面头仲有烧芝士，增添口感！配以小法包同食更滋味🥖

🔹生蚝
晚市双人套餐加配生蚝🦪可享八五折优惠，同朋友加咗四只试吓～海水味重，蚝肉肥美饱满，余韵久久不散！

🔹法式点心拼盘
超丰富嘅点心拼盘有齐吞拿鱼他他、烟三文鱼蘸酱、迷你蛋批、炸黑松露蘑菇球、西班牙火腿。最推介就系烟三文鱼蘸酱，质感柔软顺滑，配以香脆面包棒同食，滋味满分💯

🔹带子烩饭
烩饭食落烟烟韧韧，口感十足，大厨用上海鲜浓汤汁，质感如奶油般浓稠，配软滑带子及蔬菜，清新开胃🤤

🔹阿根廷安格斯肉眼牛扒
牛扒拣咗五成熟🥩肉质幼嫩、肉汁丰富，油脂呈完美丰嫩比例！啖啖细致香甜又多汁，配黑松露红酒酱汁，食落更惹味！伴碟仲有金黄香脆嘅薯条🍟

🔹朱古力心太软
甜品有四款选择，拣咗好耐，最后拣咗呢个朱古力心太软💁🏻♀️即叫即焗制，热辣辣上台，一切开随即刻流出香浓幼滑嘅朱古力酱🍫配以冰冻云呢拿雪糕🍦味道层次丰富！

Odelice!✨
📍沙田沙田正街18-19号新城市广场一期6楼628号舖