日式石烧烤肉．和牛盛会五道菜
#MC带你去九龙城
.
和牛除了用嚟Shabu-Shabu，最简单直接就系「烧」！和牛细嫩嘅肉质，以烧肉方式配以简单朴实嘅调味，已经可以品尝最根本和牛嘅滋味。
➖➖➖➖➖➖➖➖➖➖➖➖➖➖➖
✨ 石一烧
.
「石一烧」主打日式岩石烧料理，食材产地以日本为主。餐厅采用日系简约设计，以暖色为主调，柔和色调配以木系餐桌及柔和灯光效果，营造出舒适温暖嘅氛围。
➖➖➖➖➖➖➖➖➖➖➖➖➖➖➖
🔸 极上和牛盛会の2人前｜$698
.
二人套餐$598，加多$100蚊就有和牛，梗系拣依个餐啦！套餐除咗包括三款和牛之外，仲包括沙律、汤品、前菜、饮品和甜品，相当丰富，性价比之选！
➖➖➖➖➖➖➖➖➖➖➖➖➖➖➖
🥗 餐前沙律｜沙律
.
沙律菜份量十分足料！清甜爽脆嘅沙律菜，配以木鱼丝和胡麻酱，充满浓厚芝麻香之外，口感亦唔会寡淡，十分开胃！
➖➖➖➖➖➖➖➖➖➖➖➖➖➖➖
🥣 日式汤品｜樱花虾味噌汤
.
铺满整个汤面嘅樱花虾，令大家熟悉嘅味噌汤，增添了口感、香气和鲜味，香味四溢。
➖➖➖➖➖➖➖➖➖➖➖➖➖➖➖
🍱 开胃小菜｜前菜（三品）
.
前菜食法跟住次序甜酸辣顺序食，仪式感满满！
🔸（甜）脆皮炸鲜奶卷︰入口酥脆，又唔会太油腻，层次感十足
🔸（酸）柚子酱汁蟹棒︰柚子汁酸酸甜甜，清爽又开胃
🔸（辣）辛辣带子裙边︰带子裙边爽弹有口感，味道微辣
➖➖➖➖➖➖➖➖➖➖➖➖➖➖➖
🥢 主食和牛｜和牛盛会
.
和牛盛会拼盘包括三款和牛及菇盛会，台上备有烧肉汁、即磨岩盐、即磨自家盐、即磨黑椒嘅调味料，可按个人喜好自行调味。
.
🥩 日本九州A4和牛上前腿肉
油花纹理平均，腿肉肉质紧实而且带少少牛筋膜，口感丰富、香浓牛味。
.
🥩 澳洲和牛封门柳
呈酒红色嘅和牛封门柳，肉质厚身而且脂肪比例少，入口软腍细滑，牛味最浓厚。
.
🥩 日本九州A4和牛三角胸
牛三角胸呈清晰嘅网状油花，肉质软嫩，油脂最为丰富，入口充满油脂甘香，但肥而不腻
.
🍄 菇盛会
菇盛会包括大啡菇、鸿禧菇，口感清甜中带点烧烤香味，除油解腻一流！
.
🍚 饭素
紫菜味饭素，配埋啱啱烧好嘅和牛，一口接一口咁食，好满足！
.
🍜 稻庭乌冬｜加配 $15
猪骨汤底配以口感顺滑嘅稻庭乌冬，滋味满分。
➖➖➖➖➖➖➖➖➖➖➖➖➖➖➖
🍨 日式甜品｜日式抹茶云呢拿雪糕
.
抹茶浓度可按个人喜好调配，再淋上云呢拿雪糕球上，仪式感满满，打卡一流！
➖➖➖➖➖➖➖➖➖➖➖➖➖➖➖
🍹 套餐饮品｜（$18以上补差价）
.
➖➖➖➖➖➖➖➖➖➖➖➖➖➖➖
⚠️ 石一烧幸运8格刮刮卡
.
结帐后，每一台客人将获得一张「幸运咭」，每格都藏著不同的奖品，包括二人前套餐半价、现金回赠等。但注意，只能擦掉一个格子，擦掉超过一个格子，「幸运咭」就会失效。
➖➖➖➖➖➖➖➖➖➖➖➖➖➖➖
⚠️ 小编贴士
.
餐厅门口可以泊车，揸车嚟食都好方便，又容易睇住架车㖭！
➖➖➖➖➖➖➖➖➖➖➖➖➖➖➖
⭐整体︰8.0/10
⭐食物︰9.0/10
⭐环境︰8.0/10
⭐价钱︰8.0/10
🟰🟰🟰🟰🟰🟰🟰🟰🟰🟰🟰🟰🟰🟰🟰
📍 石一烧 (九龙城)
地址：九龙城启德道55号AVA55地下6号舖
交通︰港铁宋皇台站B3出口
🟰🟰🟰🟰🟰🟰🟰🟰🟰🟰🟰🟰🟰🟰🟰
#Ming_Course 打卡 攻略 烧肉