任食三小时😚尖沙咀惹味鸡煲火锅
天气慢慢转凉，又系食鸡煲打边炉嘅好日子啦🥢位于尖沙咀山林道嘅熊本牛锅推出鸡煲皇牌套餐，只需258蚊就可以叹到惹味鸡煲、牛小排、牛肩胛、豚肉、自助区多款火锅配料、汽水茶饮啤酒以及雪糕甜品👀

首先会上一盘和风海鲜鸡煲， 鸡煲除咗有鸡肉之外仲有鲍鱼、虾、蚬、金菇同蕃薯紫薯，配上紫洋葱，成煲热辣辣香喷喷充满架势，性价比极高🙈个汁嘅味道好香浓好惹味，鸡肉嫩滑充满酱香，然后啲配料吸晒啲汁好好食，特别钟意番薯同紫薯，系好少系鸡煲入面出现嘅角色，配上鸡煲汁嘅精华变成粉粉糯糯咁，估唔到同鸡煲咁夹，好有惊喜🤪讲真除咗平时自己另外比钱加料外，都好少食到有咁丰富配料嘅鸡煲😚

当鸡煲食到咁上下就会加汤底转为打边炉，呢个时候会首先上三碟肉，分别系牛小排、牛肩胛同豚肉，牛肉类系由师傅即场切制，块块新鲜又嫩口，好钟意油脂分布均匀，牛味足✨试完牛我哋就出去攞咗啲火锅配料，出面自助火锅配料种类非常多， 除咗有基本嘅丸类，仲有各种嘅流心丸，例如芝心狮子狗，芝心丸等等，有墨鱼滑添✓ 另外仲有饺类、蔬菜、菇菌类同面类。另外好惊喜系有唔少鱼类提供，例如鲷鱼下巴、脆鲷鱼片同无骨黑鱼片，畀机会一班鱼控食到好多唔同款嘅鱼🙋

饮品嘅种类多到有啲惊讶， 大大个雪柜两边都唔同款塞满晒😯除咗有多款韩国乐天罐装饮品，仲有台湾嘅无糖茶、黑糖姜茶等，钟意养生嘅仲可以试下佢哋自家制嘅冰糖红枣炖雪耳同夏枯草～食到最后仲可以出去拎雪糕同泡芙， 雪糕入面有少少果肉，好清新，解腻一流👏

皇牌鸡煲套餐系包三小时任食，时间十分充足，同班朋友一边吹水一边打边炉食鸡煲，慢慢食唔洗赶头赶命，人生一大乐事呢🤭

🥢熊本牛锅

pornhk food foodie iehk ig forlike lover