牛大人澳洲极上和牛套餐🍅🐟好正呀
台式火锅放题店「牛大人」一向人气高企，适逢边炉瘾起，嚟打边炉就最好了👀佢哋火锅放题有两个钟，我同朋友拣咗澳洲极上和牛套餐❤包括有澳洲和牛M5牛肩卷、手切封门柳澳洲和牛M5牛肩卷、安格斯特选牛板腱、美国PRIME极级肩里肌、安格斯一口牛肉粒、牛五花、猪梅肉片、羊卷肉、花雕鸡酒件等等，特别推介澳洲和牛M5牛肩卷，油脂甘香，喺汤底拖几吓就入得口💁安格斯特选牛板腱同样牛味十足，甚为吸引～要喺度食到回本真系轻而易举！入座时更会奉送每人两粒———爆汁够弹牙嘅澳洲M9和牛牛丸，非常抵食🙌

食火锅，除咗肉类要新鲜，一个高质嘅汤底能为食材锦上添花，绝对系灵魂所在！我哋叫咗鸳鸯锅，分别系「🍅醍醐蕃茄酸辣锅🌶️」及「三椒酸菜鲜鱼锅🐟」

醍醐蕃茄酸辣锅
蕃茄🍅同酸白菜🥬作为主打，汤底好有层次，味道亦好鲜明，系浓郁嘅番茄鲜味配上少少辣味，满足到我呢个番茄迷嘅欲望～将香辣同酸甜两种截然不同嘅味道糅合，比例平衡得好好，火锅配料经过汤底加持后，唔驶点酱汁都好惹味，！美味程度绝对可媲美其他单点火锅店✍ 仲可以拣小辣、中辣或大辣

三椒酸菜鲜鱼锅
汤头酸辣得嚟带点清爽，唔会过份重口味，系属于刚刚好嘅麻同辣，打边炉前紧系当汤饮返碗先得啦🥣配上份量超足嘅酸菜，简单啲讲，呢个汤底渌乜都咁好食😋 推介用嚟渌海鲜、鱼肉，完美提升海鲜嘅甜味！另外跟锅底上嘅有一份炸鱼片，每片香脆，配埋黄灯笼辣椒酱，带出鱼片嘅鲜甜味！

睇睇台上嘅宣传menu，原来牛大人仲同鸡蛋界之皇嘅梦王做紧合作，惠顾澳洲极尚和牛吃到饱套餐，就会送梦王生鸡蛋或酱油溏心梦王蛋，我同朋友都拣咗酱油溏心梦王蛋🥚果然梦王蛋嘅蛋味香浓好多，蛋黄更香浓甘香，配合酱油味十分滋味，食完超满足👍是次合作属限定期间，另外仲有梦王布丁珍珠奶茶 (LIKE 社交平台就有得送)、梦王布丁、三色鲜蔬梦王脆蛋可供选择☺想试就要快手啲了！

火锅配料一部份喺出面自助任夹，而部份就需要于QR code落单～火锅配料种类有好多✔例如海鲜类有大虾、沙白、脆肉鲩鱼腩等；手打海鲜浆例如澎湖花枝浆、干贝鲜鱼浆、章鱼珍珠浆等；特别啲嘅仲有麻吉烧、花莲扁食、蛋饺、各式水饺、燕饺、虾饺、猪血糕、大黑轮、美人花胶、鬼马老油条...小食方面有梅甘松脆薯、糖醋甜不辣、鱼香皮蛋豆腐、士林盐酥鸡...篇幅有限真系写唔晒了🤚

饮品柜一如以往有超多种类，我每次去都钟意饮佢哋自家制嘅茶🤘仲可拣汽水果汁等！最后每人更可拣一款甜品，有Haagen Dazs 雪糕或仙草冻可供选择，食完真系要捧住个肚先行得出门口了😝

推荐 s