《终于食到牛肠锅》
一直想试牛肠锅，因为朋友去日本食过，返黎话好好食。终于系铜锣湾的明道试到呢道菜！好开心～

餐厅新开无耐，主打日式串烧、料理。我当然要试一下日本和牛肠小锅，虽说小锅，但份量一啲都唔小。大大一盘！侍应话牛肠用上九州牛肠，而且将肥膏剪走，煮过再上台。

好贴心的做法，啱晒唔食肥膏或怕肥腻嘅我！汤底用白面豉调较而成，蒜辣椒有香味，但唔会辣。未食肠都可以饮啖浓汤！

牛肠煮得好腍又滑嘟嘟，一啲都唔肥，烟韧有咬口。加上日本高野豆腐，索汁一流。我地加左个山形牛A4西冷和乌冬去煮，实在太正！

再点了个蟹膏龙虾，新鲜即捞澳洲龙虾，配海胆酱蛋黄，粒粒肉都鲜甜，弹牙又爽口，虽然唔算平，但食得好满足。

自家制绿茶奶冻，好幼滑的质感，抹茶味浓郁。再食埋杯雪糕，满足而归！

明道 (铜锣湾)
铜锣湾恩平道42号亨利中心7楼