湾仔高质烧精品韩牛套餐体验
朋友想食精品靓牛烧肉，第一时间就谂起呢间韩式高端烧肉店。逢星期六日晚市可以食到呢款「韩牛精割品味体验」套餐 ($720@)，一次过食匀晒5款稀少韩牛部位，而且厨师会即席介绍唔同牛嘅部位同喺面前切牛，之后仲有专人帮手烧埋，简直系超高级享受。

是日精选韩国酒
套餐包咗1款韩国酒，经店员介绍我哋就拣咗Red Monkey Makgeolli同Hondi Korean Citrus Wine。Red Monkey Makgeolli用红米酿制而成，深红嘅色泽非常特别，酒精度数10.8%，口感醇厚，但冇一般马格利酒咁甜。另一杯嘅橘子酒，酒精浓度12%，味道就比较清新。

韩式前菜
食韩国菜当然唔少得韩式前菜小碟，呢到就有泡菜、萝卜、菠菜、芽菜等而且大部份可以refill。

稀少韩牛部位(5款)
牛肉非常新鲜，全部由厨师即切即烧，而且份量十足，啱晒我哋呢啲牛魔王。牛肉仲可以用生菜加大酱包住黎食，咁就冇咁腻。
-板腱肉：胛骨上方嘅位置，肉味浓厚，肉质都非常之腍身。
-肩胛里肌：肩胛肉比较接近头部的部位，相对肉感比较重，有淡淡肉嘅甘甜。
-翼板肉：牛肩位置，软嫩多汁，牛味香浓。
-特级牛小排：取自前五花肉嘅第一至第六条肋骨，油脂分布适中，肉质非常腍嫩。
-沙巴当：牛后胛接近肋骨的部分，霜降油花非常靓，入口满满嘅油脂香。

韩式小食拼盘
小食拼盘有薯条、年糕等嘅炸物。

韩牛脂饭
食完牛仲有呢个非常好食嘅牛脂饭，用咗牛脂同蒜头等炮制，干湿适中，牛油味同蒜味劲香浓。

蜂蜜雪糕 （+$38）
最后食埋个蜂蜜软雪糕，香甜嘅蜂蜜加埋软滑雪糕，非常满足。
。
。
貊炙 (湾仔)
湾仔港湾道30号新鸿基中心1楼104, 104A, 105A 及 106-108号舖
。
。好去处 美食 打卡 美食指南 餐厅推介