品尝芝加哥风味，Pizza意粉加曲奇
餐厅：CARBS (中环)
地址：中环砵典乍街45号H Code地下3号舖

话说有一次喺中环行行吓好想食Pizza，但又唔想去连锁店，喺避雨嘅途中就误打误撞去咗H Code地下呢间细细又无乜人嘅CARBS😎，餐厅喺由一个美国人主理，希望用芝加哥⽅形Pizza🍕、意粉同奶昔等，将美式风味带嚟香港🇺🇸

店内走型格路线，以黑白色为主调去装修，充满设计感🩶，堂食座位唔多，喺H Code地下有一个小小嘅开放式用餐区俾大家买完即食👍🏽，而更多人喺选择叫外卖🥡

✝️The Italian Job $128
6”x8”嘅Medium size Pizza，即叫即整嘅Pizza放满澎湃半溶嘅热溶芝士，就算放咗一阵都仲可以拉到丝🧀️ ，呢种厚批特色就喺芝加哥Pizza最诱人嘅地方，虽然麦香唔喺好突出，但焦脆嘅批边同蓬松嘅内层足以令人爱不释手💘，上面仲放满火腿同烟肉片🥓，每啖都食到咸香十足同蕃茄酱嘅滋味🍕

✝️Spicy Vodka Fusilli $108
自家制嘅酱汁以蕃茄酱、新鲜水牛芝士同忌廉混合而成🍝，再加入伏特加酒将香气升华至另一层次，整体味道咸甜酸辣兼具😋，够晒开胃(虽然食得多都真喺有少少滞)，螺丝粉煮得软硬适中带少少嚼劲，同浓稠嘅酱汁完美配合又挂汁合，真喺超级邪恶😈

✝️Pizza Cookie $88
CARBS另外同姊妹品牌——Cookie Department @cookie.dpt 合作，提供两款软心曲奇独家甜品😉。作基底嘅朱古力碎同红丝绒曲奇外脆内软，品尝得到cookie Department招牌软糯质感🍪，上面放咗啲红丝绒甘纳许同白朱古力碎增添层次口感，不过食两旧都已经好甜腻，仲要之前食咗Pizza同Pasta，建议叫多几个人一齐share🤝🏼