台湾直送火锅配料😝灯笼卤味T.P.E
灯笼卤味T.P.E 推出二人火锅套餐，打边炉控听到真系心心眼😝 因为除咗有台湾直送嘅火锅配料之外，仲有四款汤底可供选择。我哋 拣咗鸳鸯锅，分别试咗「灯笼招牌卤牛骨汤」，入口有好香浓嘅牛味，浓厚而不腻，仲有淡淡嘅药材香～ 另外一边拣咗佢哋自家研制嘅辛香「 台式你磨吗麻辣鸭血汤」 以灯笼卤汤创作为基底，配合唔同嘅辣椒及台湾直送鸭血等制成，入面嘅鸭血份量颇多，而且大大嚿质感软腍，吸晒啲麻辣汤好惹味，最特别系提供花椒畀客人自行磨制加入汤内，食得辣嘅朋友一定要试

佢哋啲特色火锅配料亦都非常之出色，台湾人好钟意喺食卤味嘅时候放包王子面落去煮，此火锅套餐亦都特别包有一包王子面，王子面比一般即食面质感唔同，同灯笼卤味嘅卤汁基式特别啱Key，面条吸满汤汁十分好味✨另外亦好钟意佢哋台湾直送嘅麻吉烧～鱼糕包住年糕，又烟韧又软糯。另外仲有香菇贡丸、花椒丸、甜不辣等等；豆类拼盘方面有百页豆腐、大豆等，当然最值得注意嘅系套餐包有招牌卤肉三重奏拼盘、日本宫崎A4和牛、鹿儿岛豚腩同埋美国肩胛牛小排，肉质好靓食唔停，食肉兽至爱🙈

🥢 灯笼卤味

pornhk food foodie iehk ig lover # 灯笼卤味