佐敦神秘厨师发办铁板烧
同朋友嚟食铁板烧，呢度嘅铁板烧有唔同价位，由$388起跳，我哋就叫咗入门厨师发办套餐($588）同季节厨师发办套餐($788），分别有五道菜同七道菜。

招牌沙律
先上嘅烟三文鱼沙律，咸香烟三文鱼卷住沙律菜，卖相精美。

前菜
七道菜套餐先有嘅前菜系日本兰王蛋白松露酱拌鱼子酱。浓郁嘅蛋香、清香白松露，加埋鲜味鱼子酱，简直系最强配搭。

铁板海鲜两品
师傅会喺面前即席炮制铁板烧，今日师傅就整咗下面4款海鲜俾我哋，师傅仲好有心思整咗蝶豆花海盐泡泡做伴碟：
-南非孔雀鲍鱼：爽弹嘅鲍鱼配上师傅秘制嘅蒜蓉酱，鲜甜又惹味。
-带子拌意大利黄瓜：带子煎到啱啱熟，口感仲系好水嫩，鲜甜多汁。
-虎虾：弹牙虎虾配埋手打嘅虾头虾膏汁，原汁原味。
-白鳝：白鳝外皮煎到好香脆，肉质爽嫩，点少少七味粉同竹炭海盐，更加带出鱼嘅鲜味。

澳洲牛柳
每个套餐都有份肉类，其中一款我哋就拣咗澳洲牛柳。牛柳煎到五成熟左右，肉味香浓，可以配炸蒜片同竹炭盐一齐食。

宫城县厚切黑豚扒
而另一款就拣咗黑豚扒，黑豚扒系厚切嘅肉质腍嫩一啲都唔嚡，配嘅系非常特别嘅凤梨辣汁，有淡淡凤梨果香之余又辣辣哋非常过瘾。

海鲜炒饭
两个套餐都会跟海鲜炒饭，炒饭粒粒分明，炒得好香，而头仲有只海虾。而七道菜套餐嘅炒饭更加会升级加上酱油渍三文鱼子，鲜味进一步提升。

菊花豆腐白面豉汤
七道菜套餐亦会跟埋白面豉汤，白面豉比一般嘅面豉汤饮落更加清甜。由切成丝嘅豆腐就睇得出师傅厉害嘅刀工。

是日甜品
甜品方面就有柚子雪葩同紫薯雪糕，两款都加咗分子爆珠红豆，增添口感。柚子雪葩非常清新，而紫薯雪糕就香甜软滑。

月桂冠The Shot 浓醇本酿造 $84
餐厅嘅日本酒藏都几丰富，有唔到款式嘅酒。我哋就叫咗支本酿造清酒，边食边饮。
。
。
龙亭 (佐敦)
佐敦宁波街27-31号地下A-D号舖
。
。