铜锣湾Sake Bar好推介
自试过一次去Sake Bar就爱上🥰
可以品尝唔同嘅日本地道清酒，又可以同时试到不同佐酒小食和串烧，就心思思想再嚟

今次拣咗间铜锣湾好chill嘅Sake Bar，
门口有只好可爱摆晒甫士嘅猫猫😆🐱

环境好舒服，而吧台设计为主，
餐厅阔落，所以坐得好舒服嘅～
另一边都有少量四人卡座，适合多人聚会～

坐低冇耐就会送上餐厅特色佐酒小菜🐱💖

之后唎酒师专业地就返我哋点嘅
食物配搭返啱我哋嘅Sake享用
我自己觉得系非常贴心亦个人化嘅体验呢！

一边倾计💬或者放风，一边饮和食 ！
做咗妈妈就系特别感恩有呢啲moment😂

唔好错过～
配酒必食，
由厨师发办，一set有鸡软骨、鸡肾、大葱鸡翼、鸡柳和黑豚肉

萤光鱿鱼冲渍 💖爽口鲜甜

配🍶茨城县水府自慢Pink 10号纯米大吟酿
饮落去有果香、花香味，入口比较爽身
系好好嘅starter!

▫️▫️▫️▫️▫️▫️▫️▫️▫️▫️▫️▫️▫️
自家制月见免治鸡肉棒
外脆脆脆表皮包住软腍鸡肉，食之前再点满日本蛋黄，更添香浓

唐扬萝卜糕
少少辣，萝卜糕外脆内软，伴酒一流

配🍶神龟小鸟のさえずり 纯米大吟酿
低温熟成出厂清酒，比较轻身，有阵阵米香，配串烧小食好夹

▫️▫️▫️▫️▫️▫️▫️▫️▫️▫️▫️▫️▫️
中段要食 鸡白汤乌冬😂 + 白鳝
乌冬烟韧好挂汤，肚子食完暖暖的～
白鳝烧完仍然肉嫩，而外皮超香

小食 牛油乌贼肝酱炒鱿鱼
鱿鱼口感软腍，浓浓嘅肝酱
令鱿鱼嘅鲜味更突出，必要点食！

配🍶 里口万 无滤过生诘
隐藏版靓清酒 米调浓但爽身

配🍶 龟甲花菱纯米吟酿生原酒
金奖清酒✨味道均一平衡，带果香、米香

▫️▫️▫️▫️▫️▫️▫️▫️▫️▫️▫️▫️▫️
白桃、菠萝雪葩
少见嘅日式甜品，真系一见到就要叫
白桃内盛装酸酸甜甜嘅白桃雪葩😋
小菠萝

配 🍶忠爱
入口清新香气，微微带甘香，
较甜与海鲜或甜品好夹


如果happy hour去到真系好抵😍
1730-1930 $138/位 任饮指定酒款（另计加一）