我的人生FIRST/丰圆轩
#我的人生FIRST 好耐无黎岭南大道呢家丰圆轩饮茶，系直播间见到佢有个双人套餐，50蚊唔洗有5个点心，于是周末过黎，12点前位置好宽裕，迟d就无甘多位啦。套餐茶位系菊普，落单后20几分钟内点心上齐晒，速度唔错。
枸杞猪肝粥，粥底够稠，有枸杞叶同猪肝，唔会好咸。
香菇瘦肉肠，6件，瘦肉分量唔少。
鲜竹牛肉球，3粒，有茜同马蹄，肉质比较霖。
豉汁蒸排骨，芋头比较多，豉汁唔算好浓。
柠香白糖糕，应该系改良过既白糖糕，唔酸而且口感过分依韧，有d似棉花糖啊。