「究极堂」铜锣湾：高质日式餐厅
究极堂📍香港铜锣湾
未有得放假去日本，劲挂住日本嘢食。嚟到铜锣湾行街，特登拣咗呢间日式餐厅食晚饭。系平日晚上，但已经接近坐满晒人。环境设计简单舒服，唔会坐得好迫，可以同朋友坐喺度慢慢倾计👭👬
🔸明太子芝士玉子
蛋嘅口感好似布甸咁嫩滑，拉丝嘅芝士，配上咸香明太子，同埋粒粒蟹籽，口感味道层次非常丰富

🔸烧烟熏蒜香火灸吞拿鱼
呢个卖相几得意，上台时有透明盖，未食之前一开盖，阵阵烟涌出嚟，已经系视觉盛宴。食落吞拿鱼非常鲜嫩，有淡淡嘅烟熏香蒜味，真系一种全新体验。

🔸海胆右口鱼边虾卷
海胆左口鱼炸虾系个好神奇嘅组合，海胆味鲜甜，右口鱼烧得好香，油脂丰富，入口即溶，寿司饭中间包住香脆嘅炸虾🍤呢个配搭非常之夹👍🏻

🔸炸鸡软骨配海胆酱
炸鸡软骨个份量都好大，炸得好香脆，海胆酱嘅话令到鸡软骨唔会净系咸味，带啲海鲜嘅感觉！

🔸芝士年糕
一碟有两件，炸得外皮香脆但唔油，年糕烟韧软糯，内部有邪恶流心芝士🧀浓郁的芝士与年糕相得益彰，非常好吃🤤

🔸带子他他
表面金黄，内里带子嫩滑新鲜

🔸炸半熟玉子
表面金黄，流心蛋黄，外脆内软，口中满溢住蛋香🥚

🔸浓汤番茄咖哩牛肉乌冬
浓汤番茄加咖喱，无谂过可以咁夹，香浓嘅咖喱🍛加鲜甜嘅蕃茄🍅汤底超浓郁，饮唔停！有好多件肥牛，一啲都唔老，而且乌冬都好弹牙🍜

🔸塩烧白鳝
盐烧白鳝好出色，烧到好香，皮脆肉嫩，有弹牙的口感，一啲都唔腥

🔸粟米天妇罗
喺期间限定嘅黑板见到😆 粟米天妇罗又真系未食过，好奇一试😂天妇罗有咩特别调味，粟米特别香甜，点左少少玫瑰盐，更突显粟米嘅甜👍🏻

🔸焦糖芝士蛋糕
芝士蛋糕香浓软滑，加上脆脆嘅焦糖面带黎嘅一丝丝嘅焦香，甜度适中🍰