性价比高日式放题
最近知道极尚大喜屋转了新嘅餐牌📔， 今日阿仔系铜锣湾运动完，Duck哥🦆顺便同佢去试下😆。

收费平日星期一至四夜晚最平$288，由于今日去系公众假期前夕所以价钱系$308(1830🕡前入座)。

晚市放题 $308

自助区域有炸鸡块🐓、炸饺子🥟，海鲜🦪等，可以选择嘅都唔算少，不过呢啲并唔系Duck哥🦆嘅重点....

讲埋饮品区域先😂，有汽水🥤、纸包饮品🧃、果汁、啤酒🍺，清酒🍶、梅酒，仲有热饮专柜🔥，够哂贴心。当然唔少得有甜品，生果和雪糕，而且雪糕仲有 Hoegaarden 添😋。

跟住当然系到咗，疯狂点食物嘅时候。日本放题点可以唔点刺身😂，呢度刺身种类都几多下，有三文鱼、油甘鱼、池鱼王、鲍片、马刀贝、赤贝甜虾、大赤虾等等😍。刺身全部都非常新鲜，至于寿司🍣方面，我地主攻海胆手卷，海胆味道甘甜，几乎入口即溶🤤。最惊喜系叫咗咁多round，刺身和寿司质素基本上都可以保持得到，抵赞👍。

除左刺身寿司🍣之外，其实仲有好多选择，真系讲都有排讲😂。不过因为今次主攻刺身所以其他嘢点得唔多，其中鹅肝、烧蚝，芝麻鸡翼都非常出色🤤，估唔到仲有乳鸽🐦，味道拍得住出面啲酒楼。鲍鱼皇帝蟹皇粥同样有惊喜，粥底绵绵，味道鲜甜😍。

总括食物质素真心全部都唔差，3百头蚊食到呢个质素，性价比真心系高💯。

p.s. 虽然Duck哥🦆唔食榴梿，但见好多人都点极品金枕头榴梿烧，估计应该都唔错，榴梿控要注意。

🦆极尚大喜屋 (铜锣湾广场一期)
📍铜锣湾 - 轩尼诗道489号铜锣湾广场一期9楼