颠覆传统 健康低卡肥仔水
应该系全港唯一一间全自家制食材既饮品铺，由奶盖、植物奶到珍珠都系自家生产🎉拒绝使用精制糖，最正系一杯普通珍珠奶茶只系 45kcal (12oz.)，相比坊间既，即使叫无糖都至少 250kcal，相差5-6倍。

之前出面饮珍珠奶茶🧋饮完个胃会唔舒服，因为珍珠其实都几难消化🤢但饮完呢间又冇呢个问题。Mother Peral出左3款珍珠: 抗氧抹茶珠、排毒炭黑珠冋抗炎黄金珠，分别加左superfood去整，今次两杯都简左排毒炭黑珠，加左竹炭，可以排毒，细细粒，咬落烟韧。

饮品分两个size : Petite(12oz.)同Regular(16oz.)，相差$6🤫当然叫大杯啲。

🔸非常可仁 (16oz./Iced/$46)
即冻朱古力，但少过100kcal!!!饮完冇咁大罪恶感!!!最顶层系朱古力米盖同朱古力脆，有淡淡米香，同燕麦奶几夹，纯素朱古力饮落浓厚，同正常既分别不大，整体入口顺滑。

🔸养颜补血 (16oz./Hot/$48)
新出养生系列，养生茶包(黑枸杞、桑葚、茯苓、红枣)配杏仁奶，表面铺满玫瑰花，雪燕份量足，加入罗汉果糖，饮落香甜滋润。

🔸红丝绒麻糬曲奇 (跟饮品 +$24)
软曲奇食落湿润，加入70%朱古力，唔会好甜，麻糬偏软弹口感。

🔸爆芝脆批 (跟饮品 +$28)
叫左纽约辣芝士同西西里菠菜味，即叫即焗热，可配西班牙莎莎或南美青辣酱，内饀芝士味浓。