申子居酒屋📍铜锣湾
一个月前约朋友聚餐终于等到
呢间连日本人都会去既居酒屋
一定有番咁上下
一打开餐牌见到一样好吸引
鹿儿岛A4和牛茶渍饭$328
有4大片和牛～将热辣辣既汤倒落去，加d海苔＆芥末一齐食，和牛半生熟，入口即化，牛味香浓，油脂分布均匀，汤底有和牛加持即刻升华左🤤同朋友一人一半刚刚好～

叫左杯百年梅酒$98
因为好多款梅酒，所以问店员有咩推介，听到百年梅酒，酒精浓度高有埋果蓉，就决定要呢杯。
饮落的确系唔同D～梅味劲浓，系出面梅酒三倍既味道，好好饮，冲住呢杯百年梅酒，一定会再嚟。

申子新卷$248
最顶系鱼籽跟住海胆，下一层系吞拿鱼蓉，卷仔细细口感层次丰富，吞拿鱼蓉锦滑，海胆鲜味，平时唔太好鱼籽既我，今日都觉得加埋一齐几好。

烧芝士年糕$68/二本
好少见芝士年糕有埋海苔系底，热辣辣好好食。

舞茸豚肉卷$68
豚肉包住满满既舞茸～味浓爽口，唔错。

日式鸡锤花虾$118
啖啖肉既鸡锤外面裹满樱花虾，增添左一点鲜味，炸得好脆口，一口咬落去仲见到肉汁，蘸埋蛋黄酱，呢个配搭非常好。

环境舒适，卡位宽敞，装修好日式Feel，灯光柔和～令人好放松
店员好有礼貌，下次除左再饮梅酒，要试埋海胆寿司🤤🤤