尖沙咀创新性价比高日式铁板烧
-
铁板 • 壱 Teppanichi

位于尖沙咀 敢于创新既日式铁板烧料理店
主打以新鲜食材及多变既手法炮制创新的菜肴
午市套餐最平$398 就有得食10道菜 性价比极高
装潢以灰色为设计主轴 设有2间私隐度高既包厢
同时加入园景布置 整体环境富现代感之余亦雅致舒适～

✨Selected Course ($398/pp)

🥗 前菜
+ 烟熏巴马火腿沙律 - 烟熏味突出 沙律配上沙律酱
+ 海苔蟹肉茶碗蒸 - 蒸蛋香滑 配上蟹肉 + 海苔 够鲜味

🐟 海鲜(银鳕鱼/ 北寄贝/ 帆立贝/比目鱼 每位可选两款)
+ 银鳕鱼/比目鱼
两款鱼肉肉质鲜嫩 外皮煎到好似薯片咁 增添口感
伴有茄子同西兰花 + 南瓜菠菜忌廉汁
+ 北寄贝/帆立贝
呢2个都用原壳上碟 卖相唔错 重点系都有昆布汤底
食完仲可以饮埋汤 真心好饮 系满满既鲜甜味✨
帆立贝肉质厚实 加上三文鱼籽一齐食提鲜；
北寄贝非常爽甜 （值得一试）2款都伴有翠玉瓜同红萝卜

🥩 肉类 （美国牛肉薄烧/冲绳黑豚 每位选一款）
+ 美国牛肉薄烧（2卷)
当日最有惊喜既系呢道- 薄烧牛肉卷住牛蒡同盐渍昆布
食法创新 食落好juicy又香口 估唔到咁夹 值得一试❤️
+ 冲绳黑䐁
黑豚肉熟度拿捏得刚好 富有油脂香
同样可以配上盐渍昆布一齐食～

🍚 炒饭
+ 简单加入鸡蛋 / 香葱 / 高菜 炒至粒粒分明
最后放上日本兰王蛋煎到脆边流心既太阳蛋
个人几中意高菜同鸡蛋带黎既多重口感 同时好香口

🥬 炒杂菜

🍲 面豉汤

🍦甜品
+ 蜜桃雪葩 - 清甜解腻/ 当日原本仲有绿茶雪糕 可惜冇晒
-
📍铁板 • 壱
尖沙咀漆咸围10-12号1楼A号舖
-



_tst