丰盛二人餐日本菜🍱🍣🍢

最近同朋友去食日本菜，叫咗个二人餐$1,480。呢餐真系超级丰富。由前菜到甜品，每一道菜都充满惊喜。

和风蒜子蕃茄沙律好开胃，蒜子嘅香味同蕃茄嘅清甜，食落去好清新爽口。
小食有味醂鱼干，带有淡淡嘅甜味，唔会太重口味，刚刚好可以挑起你嘅胃口。

爱知县白象拔蚌刺身真系不得了，爱知县嘅白象拔蚌，肉质鲜甜爽脆，非常新鲜。

本身套餐有味噌酱烧龙虾，我哋就加 $200 升级日本一夜干喜之次，喜之次烧得香脆肉嫩滑，点埋酸汁更鲜味。

呢个餐仲有串烧五款，每款都有2串，非常丰富：
自家制月见免治鸡肉棒，鸡肉棒嫩滑多汁，配上月见蛋黄，味道更加丰富。
烧白鳝肉质细嫩，烧得刚刚好，几弹牙。
厚切牛舌，牛舌厚切但唔韧，口感非常好。
一夜干鸡翼，鸡翼外脆内嫩，一夜干嘅风味令味道更加出众。
露笋猪肉卷，露笋嘅清新同猪肉嘅油香完美结合。

主食仲有海胆伴泠稻庭乌冬。呢款乌冬面真系不得了，配上海胆，冷食非常清爽。

最后甜品系朱古力窝夫，窝夫入边系雪糕，有浓郁嘅朱古力味。

📍鸟居居酒屋
铜锣湾轩尼诗道525号澳门逸园中心17楼