尖沙咀韩国咖啡店叹精美甜品韩食
呢间位于海港城嘅韩国咖啡店，系韩国仁川嘅过江龙，装潢走时尚简约嘅路线，除咗有蛋糕、吐司、牛角包窝夫等甜点同各式咖啡、饮品，亦都有意粉、炸鸡、饭卷等嘢食。

半半炸鸡 $155
叫咗份双拼冇骨炸鸡，拣咗初雪芝士拼蒜蓉蜜糖口味。芝士味炸鸡皮脆肉嫩，面头撒满芝士粉，够哂滋味。蒜蓉蜜糖炸鸡甜甜哋，蒜香味浓郁。炸鸡仲会跟薯条添。

橡果黑毛猪卡邦尼意粉 $89
卡邦尼意粉酱汁够creamy，加埋咸香黑毛猪同芝士，味道都唔错。

伯爵茶布甸牛角包窝夫 $145
牛角包窝夫松软酥脆，可以淋上香浓伯爵茶酱又或者加香甜牛奶软雪糕一齐食。伯爵茶布甸Q弹幼滑，仲好香茶味。

软绵绵粟米蛋糕 $62 (配一杯自选饮品)
另外仲叫咗款非常特别嘅粟米蛋糕，蛋糕软绵绵，粟米味好浓郁，面头仲有片烧粟米，卖相精致。值得一提系呢到嘅Cake set真系非常抵食，除咗蛋糕，仲包一杯自选饮品，我哋就点咗杯焦糖苹果奶。

焦糖苹果奶(原价$48)
牛奶暖笠笠，面头有焦香嘅焦糖，饮落有淡淡苹果香。

牛奶雪糕咖啡 $72
朋友就叫咗杯牛奶雪糕咖啡，香滑嘅牛奶雪糕，牛奶味好浓郁，可以按自己喜好加入黑咖啡，摇身一变就成为一杯好有特色嘅latte。
。
。
sips;;lban (尖沙咀)
尖沙咀广东道3-27号海港城海运大厦地下OTG61号舖
。
。hk